უშიშროების საბჭოს მდივანი გიგა ბოკერია კოალიცია ,,ქართული ოცნების" პრეზიდენტობის კანდიდატის გიორგი მარველაშვილის განცხადებას გამოეხმაურა. როგორც ბოკერიამ ჟურნალისტებთან განმარტა ის არ აპირებს გიორგი მარგველაშვილის პრეზიდენტობის შემთხვევაში მასთან თანამშრომლობას და დაკავებული თანამდებობას თავად დატოვებს.
,, მე პირადად არცერთ შემთხვევაში არა ვაპირებ თანამშრომლობას არც ერთ პოლიტიკურ ფიგურასთან ვინც არის ,,ქართული ოცნების" კანდიდატურა ამა თუ იმ თანამდებობაზე, მათ შორის არც გიორგი მაგველაშვილთან. ასე რომ, ეს ორმხრივი სურვილია და მარგველაშვილს თუ მას ქართველი ხალხი აირჩევს არაფრის ხელმოწერა არ მოუწევს, რადგან მე თვითონ არ ვაპირებ მათთან თანამშრომლობას", _აცხადებს ბოკერია.
შეგახსენებთ, რომ გიორგი მარგველაშვილის განცხადებით მისი გაპრეზიდენტების შემთხვევაში ის გიგა ბოკერიას დაკავებული თანამდებობიდან გაათავისუფლებს.
