საქართველოს პრეზიდენტის მიხეილ სააკაშვილის განცხადებით ქვეყანაში უმძიმესი მდგომარეობაა, თუმცა ეს ალბათ დროებითია და საქართველო ამ გამოწვევასაც გაუძლებს.
ქვეყნის პირველი პირის თქმით, იგი 2012 წლის საპარლამენტო არჩევნების წინა პერიოდში მოსალოდნელი შედეგების შესახებ საზოგადოებას აფრთხილებდა, თუმცა ეს გაფრხილება არავინ გაითვალისწინა და მას არავინ მოუსმინა.
"მე მგონი ყველასათვის ნათელია რა ფენომენთან გვაქვს საქმე. ხალხი გამოვიდა ძილ-ბურანიდან და მე ვფიქრობ, ეს მოხდა ძალიან სწრაფად და მტკივნეულად. მე პიადად არავინ არ მითხრას საქართველოში, რომ ვინმე არ გავაფრთხილე რა შეიძლებოდა მომხდარიყო. ყველას ყველაფერი ვუთხარი შარშან, არავინ არ მომისმინა და სამწუხაროდ ეს ყველაფერი არ არის დამთავრებული, იმიტომ, რომ ჩვენ წინ გვაქვს ახალი გამოცდები. საბოლოო ჯამში ჩვენ გამოვალთ აქიდან როგორც ქვეყანა, მაგრამ ალბათ ბევრი სიბინძურე და სხვადასხვა ხრიკები იქნება გმოყენებული. ეტყობა ესეც გასავლელი გვქონდა, ესეც რაღაც სახის გამოცდაა ჩვენთვის,"- განაცხადა მიხეილ სააკაშვილმა.