საქართველოს პრეზიდენტმა მიხეილ სააკაშვილმა ხობის რაიონში სპეცოპერაციის შედეგად დაღუპული სპეცდანიშნულების რაზმის თანამშრომლის დავით დემურიას ოჯახს მიუსამძიმრა.
"ამ კაცმა საკუთარი სიცოცხლის ფასად დაიცვა საზოგადოებრივი წესრიგი, მაგრამ არ შეიძლება ცალკეული გმირების იმედზე ვიყოთ მუდმივად. სახელმწიფო უნდა მუშაობდეს. თუკი სახელმწიფო ყველაფერს პირიქით აკეთებს, ცალ-ცალკე ვერავინ ვერაფერს უშველის, ვერავინუშველის იმ ქვეყანას, სადაც მთავრობა არ ამუშავდება", _განაცხადა სააკაშვილმა.
ქვეყნის პირველმა პირმა დაღუპული სპეცრაზმელი სიკვდილის შემდეგ "ვახტანგ გორგასლის I ხარისხის" ორდენით დააჯილდოვა. პრეზიდენტმა ჯილდო დავით დემურიას შვილს გადასცა.
