ქვეყანამ იმპულსებით ცხოვრება უნდა დაამთავროს, სააკაშვილმა ხალხი იმპულსებით აცხოვრა, - ამის შესახებ საქართველოს პრემიერ-მინისტრმა ბიძინა ივანიშვილმა „პირველი არხის" ეთერში, სოფო მოსიძისთვის მიცემულ ექსკლუზიურ ინტერვიუში განაცხადა.
„დაველოდოთ, თუ საჭირო იქნება, სოჭის ოლიმპიადაში მონაწილეობაზე ვიტყვით უარს", - განაცხადა პრემიერმა და დასძინა, - „უარის თქმას ყოველთვის მოვასწრებთ, ყველაზე მარტივი ეგაა. ვიტყვით უარს და მერე რა, იმის იქეთ რა?! ეს გვაქვს რესურსი, აი როგორმე უარი ვთქვათ და ამით ვაშინებთ ახლა მთელ მსოფლიოს?! ჩვენ ერთი რომ ვიქნებით მარტო, როგორ მოგეწონებათ?!"
ივანიშვილის თქმით, გადაწყვეტილება მას შემდეგ მიღება რაც მოხდება ვითარების ანალიზი.
"თუ შევხედავთ და გავაანალიზებთ, რომ ასე ჯობია, ვიტყვით, რომ არ წავალთ და არ წავალთ ჩვენც. რად უნდათ ამდენი აჟიოტაჟი და აყალმაყალი რომ აქვთ ატეხილი მხოლოდ ერთი და იგივე ხალხისგან ანგაჟირებით, თუმცა საზოგადოების ბევრი წევრის პოზიციებს, დამოუკიდებლად იმისგან, ვის უჭერენ მხარს, გაგებით ვეკიდები და აღმაშფოთებელია ის, რაც ხდება", - განაცხადა პრემიერმა.
ივანიშვილმა აღნოშნა, რომ ბოიკოტის მოთხოვნით ჩატარებული აქციების უკენ მეტწილად ყოფილი ხელისუფლება დგას.
