ირაკლი ღარიბაშვილი ახალ პოლიტიკურ ძალას შექმნის და პარლამენტში უმრავლესობით მოვა - ასეთპროგნოზს აკეთებს ადვოკატი, ვალერი გელბახიანი. მისი თქმით, ამ პოლიტიკურმა მოვლენამ შესაძლოა უსუფაშვილს და მოქმედ პარლამენტს საფრთხე შეუქმნას.
„ირაკლი ღარიბაშვილი არ არის მხოლოდ პრემიერ-მინისტრობის კანდიდატი, ის არის ბიძინა ივანიშვილის პოლიტიკური მემკვიდრე, ის უნდა გახდეს ძლიერი სახელისუფლებო რგოლი, არა მხოლოდ თანამდებობის პირი - პრემიერ-მინისტრი, არამედ პოლიტიკური ლიდერი, რომელსაც ეყოლება მძლავრი პოლიტიკური პარტია, აუცილებლად დაიშლება ეს პარლამენტი და ის პარტიები, რომლებიც დღეს არის წარმოდგენილი პარლამენტში ვეღარ მოხვდებიან, მაგრამ აუცილებლად შემოვა უმრავლესობით ახალი პოლიტიკური ძალა, რომლის სათავეშიც იდგება ღარიბაშვილი. უსუფაშვილი პოლიტიკოსია და სხვებისგან განსხვავებით ამ საფრთხეს ხვდება, თუ რა საშიშროება შეიძლება მოუტანოს ამ მოვლენამ არსებულ პარლამენტს და მის პოლიტიკუ ძალას. ცხადია დავით უსუფაშვილი ყველაფერს გააკეთეს იმისთვის, რომ თავიდან აიცილოს ის საფრთხე რომელიც სკამს დააკარგვინებს", - განაცხადა "კვირის ქრონიკასთან" საუბარში ვალერი გელბახიანმა.