"თუ რუსეთის და პუტინის ზეწოლას ჩვენ მუდმივად ვუპასუხეთ სამთავრობო ქვეწოლით, ქვეწოლით საქართველოს და არც ერთ სხვა ქვეყანას ისტორიულად არაფერი მიუღია,"-ამის შესახებ საქართველოს პრეზიდენტმა მიხეილ სააკაშვილმა ჟურნალისტებთან საუბრისას განაცხადა.
ქვეყნის პირველი პირის თქმით, სოჭის ოლიმიადაში ქართველი სპორტსმენების მონაწილების საკითხზე იგი ვერ მიიღებს გადაწყვეტილებას, თუმცა არც ოლიმპიურ კომიტეტს მიუთითებს რაიმე გადაწყვეტილების მიღებისკენ, ამიტომ, ყველა უნდა დაფიქრდეს და სწორად განსაჯოს მოვლენები.
"ყველანი უნდა დავფიქრდეთ. მე ნამდვილად ვერ მივიღებ ოლიმპიური კომიტეტის ნაცვლად გადაწყვეტილებას. არასწორი იქნებოდა, რომ მე, მოქმედმა პრეზიდენტმა მოვუწოდო, რომ რამე ქნან. იმიტომ, რომ ეგრევე ეს ჩვენი ოლიმპიელების წინააღმდეგ გამოყენებული გადაწყვეტილების საბაბად იქნება გამოყენებული, მაგრამ ყველამ ვიცით რაზე ვსაუბრობთ. ყველამ ჩაიხედოს თავის გულში და მიიღოს თავის გადაწყვეტილება, მე ასე მგონია. იმიტომ, რომ ქართველი ხალხი ალბათ ამას ითხოვს. ჩვენს ხელისუფლებას ოლიმპიადაში მონაწილეობისთვის მხარი არასოდეს დაუჭერია, იმიტომ, რომ ეს ჩვენი კომპეტენცია ვერ იქნებოდა. ოლიმპიური კომიტეტი დამოუკიდებელი ორგანიზაციაა და ნამდვილად ვერ დავდებ თავს მათ მისცეს თუ არა ხმა. მით უმეტეს, თხოვნა ჩვენგან არც ყოფილა. მაგრამ 2008 წლამდე რომ ჩვენ ვერ ვაწარმოებდით ღია პროპაგანდას სოჭის ოლიმიადას, ისეტივე სიამრთლეა, როგორც 2-ჯერ 2 არის 4. ამ შემთხვევაში ომის პირას მყოფი რუსეტისთვის კიდევ ერთი საბაბი უნდა მიგვეცა, რომ შემოჭრილიყო. ეს მაშინ ასე იყო, მაგრამ მერე ეს შემოჭრა მოხდა და სულ სხვა რეალობაში აღმოვჩნდით. ამიტომ, 2008 წლიდან ყველა საერთაშორისო ტრიბუნაზე, სადაც ხელი მიგვიწვდებოდა, მე პირადად ვაყენებდი საკითხს ეკოლოგიურ კატასტროფაზე აფხაზეთში, ეთნიკურ წმენდაზე, მათ შორის არა მხოლოდ არა მხოლოდ აფხაზეთიდან, არამედ დავაყენეთ საკითხი ჩერქეზებისაც. ეს პირდაპირ უკავშირდება ოლიმპიადას, იმიტომ, რომ იქ ცხოვრობენ ჩერქეზებიც,"- განაცხადა მიხეილ სააკაშვილმა.