ბელორუსის პრეზიდენტი ალექსანდრე ლუკაშენკო მიიჩნევს, რომ ბელორუსის მიერ აფხაზეთისა და ცხინვალის რეგიონის ე.წ.დამოუკიდებლობის აღიარების საკითხის ფორსირება საჭირო არ არის.
„გვინდა ეს ჩვენ დღეს? ან რუსეთის თვალსაზრისით, ეს საჭიროა? დავუშვათ ვაღიარეთ აფხაზეთი და სამხრეთ ოსეთი - გაღიზიანდება საქართველო და სხვა ქვეყნები სადა არის ტერიტორიული დავები, აიჯაგრება დასავლეთი და ჩვენ ამისი კატალიზატორი გავხდებით", _ განაცხადა ლუკაშენკომ დღეს მინსკში მოწყობულ პრესკონფერენციაზე.
მან ასევე გაიხსენა ის, რომ 2008 წელს რუსეთის პრეზიდენტთან დიმიტრი მედვედევთან ერთად განიხილავდა რუსეთის მიერ აფხაზეთისა და ე.წ. სამხრეთ ოსეთის დამოუკიდებლობის აღიარების ნეგატიურ შედეგებს.
„მე ვიცი რა მოუვიდოდა ბელორუსს რაღაც აღიარების ან არაღიარების გამო. პოლიტიკური ბზარი რუსეთსაც კი დაეტყობოდა, მაგრამ ჩვენ ისეთ ძირზე დაგვწევდა სადაც არავითარი პერსპექტივა აღარ იქნებოდა უკვე", _ აცხადებს ბელორუსის პრეზიდენტი და აღნიშნავს, რომ ეს რისკები და შედეგები რუსეთს ბელორუსთან ერთად რომ გაეზიარებინა ის ამ ნაბიჯზე წავიდოდა, მაგრამ მან რუსეთისგან ასეთი დაპირება ვერ მიიღო.
„ეს რისკები რუსეთს ჩვენთან რომ გაეზიარებინა მაინც არადა, რომ არ გაეზიანებინა ყველაფერი ჩვენს თავზე გადავიდოდა, მე მოვაწერდი ხელს ამ ბრძანებას. მაგრამ ასეთი პასუხი რუსეთის პრეზიდენტისგან ვერ მივიღე", _ განაცხადა ლუკაშენკომ.