„ყველაფერს თავისი საზღვარი აქვს - პროვოკაციასაც კი". - განაცხადა საპარლამენტო უმრავლესობის ერთ-ერთმა წევრმა გიორგი ვოლსკიმ და სააგენტო „ჯი-ეიჩ-ენის" მიერ დასმულ კითხვაზე და განმარტა, რომ მისი განცხადებები, სულაც არ ნიშნავს, იმას, რომ საქართველო რუსეთის ნებისნიერი პროვოკაციის მიუხედავად ოლიმპიადაში მონაწილეობას მაინც მიიღებს.
„ჩემი განცხადებები ამას არ ნიშნავს. ამაზე ძალიან მკაფიო განცხადება მთავრობამ გააკეთა. მე სრული უფლება მაქვს, რომ რაღაც საკითხებში შეიძლება, რომ არ დავეთანხმო - ეს განხილვის თემაა, მაგრამ ვფიქრობ საკმაოდ აწონილი დიპლომარიური განცხადება გაკეთდა.
ყველაფერს თავისი საზღვარი აქვს რასაკვირველია, პროვოკაციასაც კი, მაგრამ კიდევ ვიმეორებ. ძალიან დიდ კითხვის ნიშნევს დაბადებს გარემოება, თუ ეს გაგრძელდება და იმ დონეზე ავა, რომ საქართველოს სხვა გზა არ დარჩება, გარდა იმისა უპასუხოს არაკონსტრუქციული ნაბიჯით, გნებავთ, ემოციაზე აგებული ნაბიჯით რუსეთის ასეთ ქმედებას", _ განაცხადა ვოლსკიმ და აღნიშნა, რომ „ასეთი შეცდომები ძალიან ბევრი გვინახავს".
