რუსეთის ფედერაციის დუმის წევრის ვლადიმერ ჟირინოვსკის განცხადებით, სოჭში დაგეგმილ სპორტულ ღონისძიებაში ქართველი სპორტსმენების მიერ მონაწილეობაზე უარის თქმის შემთხვევაში, მათ მიერ გადადგმული ნაბიჯი სისუსტედ შეფასდება.
როგორც ჟირინოვსკიმ ტელეკომპანია "იმედისთვის" მიცემულ ინტერვიუში აღნიშნა, "სპორტი პოლიტიკის ნაწილი არ არის და პოლიტიკის ნაწილი ასევე არ უნდა იყოს არც ვაჭრობა, მეცნიერება და ხელოვნება".
"არავის არ შეუძლია ვინმეს თავზე რამე მოახვიოს, ვინმე თუ სპორტულ ღონისძიებას ბოიკოტს გამოუცხადებს, ეს მხოლოდ ამ ქვეყნის და მისი სპორტსმენების სისუსტეზე მეტყველებს. სპორტი პოლიტიკის ნაწილი არ არის. პოლიტიკის ნაწილი ასევე არ უნდა იყოს არც ვაჭრობა, მეცნიერება და ხელოვნება ამდენად, ბოკიკორტი სუსტების საქმეა. არაფერი იციან და ამბობენ, რომ არ წავალ არ გავაკეთებ, იმიტომ, რომ სუსტი და ლაჩარი ხარ. იწყებთ ბოიკოტზე ლაპარაკს, ვის სჭირდება ბოიკოტი?! მილიონობით სპორტსმენი ასპარეზობდა და კიდევ მიიღებს მონაწილეობას და არავის აინტერესებს ბოიკოტი,"- განაცხადა ვლადიმერ ჟირინოვსკიმ.
