რუსეთის ფედერაციის დუმის წევრი ვლადიმერ ჟირინოვსკი საქართველოში მცოცავი ოკუპაციის საკითხს ეხმიანება და აცხადებს, რომ მისთვის გაუგებარია ბოძების და მავთულხლართების მონტაჟის საკითხი რატომ არის საქართველოს ხელისუფლებისთვის მნიშვნელოვანი.
როგორც ჟირინოვსკიმ ტელეკომპანია "იმედისთვის" მიცემულ ინტერვიუში აღნიშნა, რუსეთს უნდა ჰქონდეს პირდაპირი საზღვარი თურქეთთან და ეს საზღვარი სარფში იქნება.
"ჩვენ უკვე ცნობიერებაში გადასული ჩვევა გვაქვს, რომ თურქეთთან რუსეთს უნდა ჰქონდეს პირდაპირი საზღვარი და როდესაც შუაში საქართველოა, ეს გაუგებარია. საქართველო ყოველთვის იყო რუსეთის ნაწილი. ჩვენ ერთად ვართ, ერთი ერი ვართ, რა ბოძები უნდა იყოს?! მოდით, დავიწყოთ პირდაპირ სოფელ სარფში ბათუმიდან არც ისე შორს, აი იქ იქნება რუსეთ-თურქეთის საზღვარი. აბა რაში გვჭირდება ზედმეტი თავის ტკივილი?! ჯობია ადამიანების და ტვირთის თავისუფლად გადაადგლება, უმჯობესია მატარებელი გავუშვათ ერევანი-თბილისი-სოხუმი-მოსკოვი, მოდით აქედან დავიწყოთ უფრო სწრაფი რომ იყოს კავშირი ადამიანებს შორის, თუნდაც ეკონომკური. თქვენ კიდევ ბოძებზე ლაპარაკობთ . სასაზღვრო ბოძები იქ უნდა იდგეს, სადაც ისინი რუსეთის მეფემ დაარჭო და არავის აქვს მათი შეხების უფლება, ვინც შეეხება, ხელებს მოვამტვრევთ,"- განაცხადა ვლადიმერ ჟირინოვსკიმ.
