"ევროპის სახალხო პარტია" საქართველოში ე.წ. საზღვრის დემარკაციაზე შეშფოთებას გამოთქვამს. როგორც პარტიის მიერ გავრცელებულ განცხადებაშია აღნიშნული ე.წ. სამხრეთ ოსეთისა და აფხაზეთის ოკუპირებულ ტერიტორიაზე რუსული სამხედრო ძალები მავთულხლართებს უკანონოდ ავლებენ.
"დამატებითი ტერიტორიის წართმევა და საკუთარი სახლებიდან ათობით ადამიანის გამოდევნა წინააღმდეგობაში მოდის იმ ექვსპუნქტიან შეთანხმებასთან, რომელსაც 2008 წელს ევროკავშირის შუამდგომლობით ხელი მოეწერა. ქმედებები ასევე წინააღმდეგობაში მოდის საერთაშორისო სამართლის ყველა ნორმასთან", - ნათქვამია განცხადებაში.
"ევროპის სახალხო პარტია" რუსეთის ხელისუფლებას აღებული პასუხისმგებლობისა და ევროსაბჭოს საპარლამენტო ასამბლეის რეზოლუციების შესრულებისკენ მოუწოდებენ.
მასალის გამოყენების პირობები
