4-5 ოქტომბერს საგარეო საქმეთა მინისტრი, მაია ფანჯიკიძე ოფიციალური ვიზიტით მოლდოვას რესპუბლიკას ეწვევა. ვიზიტის ფარგლებში მინისტრი ორმხრივ შეხვედრებს გამართავს მოლდოვას რესპუბლიკის პრეზიდენტთან ნიკოლაე ტიმოფტისთან, პრემიერ-მინისტრთან იურიე ლეანკესთან, ვიცე-პრემიერთან, საგარეო საქმეთა და ევროინტეგრაციის მინისტრთან ნატალია გერმანთან და პარლამენტის თავმჯდომარესთან იგორ კორმანთან. ამასთან, 4 ოქტომბერს საგარეო საქმეთა მინისტრი, მაია ფანჯიკიძე სიტყვით გამოვიდა ქ. კიშინეუში გამართულ „აღმოსავლეთ პარტნიორობის სამოქალაქო საზოგადოების მე-5 ფორუმზე".
ოფიციალური ვიზიტის ფარგლებში, მხარეები ორმხრივი და მრავალმხრივი ურთიერთობების მნიშვნელოვანი საკითხებს განიხილავენ. განსაკუთრებული ყურადღება დაეთმობა საქართველოსა და მოლდოვას რესპუბლიკის ევროინტეგრაციის პროცესებსა და ამ მიმართულებით გამოცდილებისა და ცოდნის ურთიერთგაზიარებას.
