,,საქართველოს მოქალაქეების ქვეყნიდან გასვლის და შემოსვლის წესების შესახებ" კანონში ცვლილებების პროექტი ინიციატორებმა უკან გაიტანეს.
გადაწყვეტილება ინიციატორებმა ირინე იმერლიშვილმა და ზურაბ აბაშიძემ კანონპროექტის მიმართ საზოგადოებაში გაჩენილი აზრთა სხვადასხვაობით ახსნეს.
„კანონპროექტის გაუმჯობესებისა და შემდგომი სრულყოფის მიზნით, მიზანშეწონილად მიგვაჩნია წარმოდგენილი კანონპროექტი გამოვიხმოთ. მიგვაჩნია, რომ უმჯობესია მოცემული საკითხის სამართლებრივი რეგულირების მექანიზმები შეიმუშაოს და პარლამენტს წარუდგინოს შესაბამისი კომპეტენციით აღჭურვილმა სტრუქტურებმა, რომელბიც ახორციელებენ ქვეყანაში სახელმწიფო და საზოგადოებრივი უსაფრთხოების დაცვას," - ნათქვამია ირინე იმერლიშვილისა და ზურაბ აბაშიძის მიერ პარლამენტის აპარატის მიმართ გაკეთებულ მიმართვაში.
