"გეთანხმებით, ცუდი არ იქნებოდა ყველაზე ცოტა, და არაფერს არ გააფუჭებდა, თუ დამატებით პოზიტივს არ მოიტანდა,"- ამის შესახებ ამის შესახებ საქართველოს პრემიერ-მინისტრმა ბიძინა ივანიშვილმა ცენტრალური ტელეკომპანიების საინფორმაციო სამსახურების უფროსებთან და პოლიტიკური თოქ-შოუების წამყვანებთან შეხვედრაზე დვანში მის არ ჩასვლასთან დაკავშირებით დასმული კითხვის საპასუხოდ ისაუბრა.
ივანიშვილის თქმით, "გაჭირვებულები ჩვენდა საუბედუროდ, არ არიან მხოლოდ დიცში და ისინი ქვეყნის ყველა კუთხე-კუნჭულში არიან სადაც იგი ჩადის".
"რა თქმა უნდა ცუდი არ იქნებოდა იქ ჩასვლაც. თქვენ ერთი რამ გავიწყდებათ და ერთ რამეს ვერ აფასებთ - რამდენი საქმე გვაქვს და რამდენს ვაკეთებთ. ეს ცუდი არ იქნებოდა და ცუდი არ იქნებოდა სხვებსაც რომ შევხვდე. რამდენ ადამიანს სჭირდება დამშვიდება და დაწყნარება თქვენ ვერ წარმოგიდგენიათ, ათასობით არიან ასეთები. მაგრამ ეს პრინციპულად ვერაფერს შეცვლიდა. ის, რომ პრემიერმა მოხერხოს და ყველგან ჩავიდეს და ყველას დაწყნარება შეძლოს, ეს ძალიან რთულია, თუმცა კარგია. მე ვაკეთებ რაც შემიძლია მაქსიმალურად, პირველ რიში ვებრძვი დიდ პრობლემებს, ვებრძვი აისბერგებს და მის დაძლევაში ვხარჯავ ძირითად დროს,"- განაცხადა ბიძინა ივანიშვილმა.