საქართველოს პრემიერ-მინისტრმა ბიძინა ივანიშვილმა ჟურნალისტს ინგა გრიგოლიას ფოსტალიონი უწოდა და ცალმხრივად ინფორმაციის გაშუქებაში დაადანაშაულა. როგორც ივანიშვილმა განაცხადა ,,მაშინ, როდესაც გრიგოლია საუბრობს, რომ ჟურნალისტეის ჩასვლამდე დვანში არცერთი მინისტრი არ ჩასულა, ჩემი აზრით, ეს არა რის ჟურნალისტიკა".
,,მოსახლეობა ამბობს, რომ არც ერთი მინისტრი არ ყოფილა და თქვენ რა ფოსტალიონი ბრძანდებით, იგივეს რომ იმეორებთ", _ მიმართა ივანიშვილმა ჟურნალისტ ინგა გრიგოლიას.
ბიძინა ივანიშვილის განცხადებით, ჟურნალისტის მოვალეობა ინფორმაციის გადამოწმებაა.
,,თქვენ როგორც ჟურნალისტს, როდესაც განცხადებას აკეთებთ, რომ სოფელ დვანში არ ჩასულა არც ერთი მინისტრი გქონდათ თუ არა საშუალება, რომ ეს ინფორმაცია გცოდნოდათ, გადაგემოწმებინათ და ეს ინფორმაცია მოსახლეობისთვის პირდაპირ არ მიგეწოდებინათ. თქვენ საუბრობთ იმ ნაწილს რაც თქვენ გინდათ და ვალდებულება, რომ ინფორმაცია მოიპოვოთ არ გაგაჩნიათ. ნაცვლად იმისა, რომ გქონდათ შესაძლებლბა მოსახლეობისთვის შეგეხსენებინათ ის მინისტრები ვინც დვანში იყვნენ. თუ კარგი ჟურნალისტის პრეტენზია გაქვთ ეს უნდა შეგეხსენებინათ. თუ ცალმხრივად გინდათ ისაუბროთ მხოლოდ თქვენი ნებაა. არავინ ამას არ გიკრძალავთ", _განაცხადა ბიძინა ივანიშვილმა და აღნიშნა, რომ დვანში ჩასული იყო რეგიონული განვითარების, სოფლის მეურნეობისა და ლტოლვილთა და განსახლების მინისტრი.
