"რა რეაქცია უნდა მქონოდა?! რეაქცია მქონდა ძალიან გრძნობადი და ძალიან შეგრძნობადი,"- ამის შესახებ საქართველოს პრემიერ-მინისტრმა ბიძინა ივანიშვილმა საზოგადოებრივი მაუყებლის საინფორმაციო სამსახურის უფროსის კითხვაზე - რა რეაქცია ჰქონდა პრემიერ-მინისტრს დვანში განვითარებული მოვლენების და 3 ოჯახის მიერ საკუთარი სახლების დაშლის კადრების ნახვის დროს, საპასუხოდ განაცხადა.
ივანიშვილის თქმით, აღნიშნულ მოვლენებზე საქართველოს მთავრობის რეაქცია ადეკვატური იყო და ამ საკითხს ძალიან დიდი ყურადღება მთავრობის სხდომაზეც დაეთმო.
"სერგეენკო მიდის, ჩასულია ალბათ უკვე და სხვა მთავრობის წევრებიც, კომისიაა უკვე შექმნილი და მაქსიმალურად ვცდილობთ მხარში დავუდგეთ მოსახლეობას. მაქსიმალურად ვცდილობთ და აწეული გვაქვს, ის თემა, რასაც აკეთებენ ე.წ. საზღვრის გადმოწევით. საშუალებას არ ვუშვებთ, რომ არ გავაკრიტიკოთ, არ მოვითხოვოთ თანადგომა საერთაშორისო თანამეგობრობიდან, ამერიკიდან და ა.შ,"- განაცხადა ბიძინა ივანიშვილმა.