"მათ აქვთ გეგმა, რომ მოაქციონ მავთულხლართებში სტრატეგიული ბაქო-სუფსას ნავთობსადენი ისევე, როგორც ბოლო ინფორმაციით, სამწუხაროდ ამ გეგმებშივე არის განმუხურის და სამეგრელოს სხვა ადგილების მოქცევა, რომლებიც არის ენგურის იქით," ამის შესახებ საქართველო პრეზიდენტმა მიხეილ სააკაშვილმა ბოლო დღეებში ოკუპირებული ცხინვალის რეგიონის მიმდებარე სოფლებში განვითარებული მოვლენების კომენტირებისას ისაუბრა.
ქვეყნის პირველი პირი ხელისუფლებას აღნიშნული პრობლემის მოსაგვარებლად გაერთიანებისკენ და მოუწოდებს და განმარტავს, რომ "ახლა დროა ძალიან საშიში ანექსიის თავიდან ასაცილებლად ყველამ ერთმანეთს ჩაკიდოს ხელები".
"მავთულხლართების გადმოწევა როგორიც არის რუსული გეგმით, კიდევ მოიცავს რამდენიმე ასეულ და კიდევ შეიძლება ათასობით ჰექტარს. უკვე მეტი სასოფლო-სამეურნეო მიწაა წაღებული, ვიდრე იყო თამარაშენში და ქურთაში ჩვენს კონტროლს ქვეშ და ასევე, მათ აქვთ გეგმა, რომ მოაქციონ მავთულხლართებში სტრატეგიული ბაქო-სუფსას ნავთობსადენი ისევე, როგორც ბოლო ინფორმაციით, სამწუხაროდ ამ გეგმებშივე არის განმუხურის და სამეგრელოს სხვა ადგილების მოქცევა, რომლებიც არის ენგურის იქით. ჩვენ ყველამ ერთად უნდა ჩავკიდოთ ერთმანეთს ხელები, ახლა ქიშპობის და ერთმანეთის ღვარძლის და ნიშნის მოგების დრო ნამდვილად არ არის და საქართველოს ამოცანა არის, რომ ეს მცოცავი, ძალიან საშიში ანექსია ჩვენი მიწების, რომელმაც უკვე უამრავი ადამიანი დატოვა ხელახლა უსახლკაროდ და კიდევ ბევრს დატოვებს უახლოეს თვეებში და კვირებში თუ ასე გაგრძელდა. ერთხელ და სამუდამოდ ეს ყველამ ერთად უნდა შევაჩეროთ,"- განაცხადა მიხეილ სააკაშვილმა.
