საპარლამენტო უმცირესობა ხელისუფლება რუსეთთან დათმობის პოლიტიკაში ადანაშაულებს და აცხადებს, რომ ამით საქართველოს ეკონომიკა ზიანდება. გოკა გაბაშვილი რუსეთს საქართველოსთვის პრობლემების შექმნაში ადანაშაულებს.მისი თქმით რუსეთი ამას ყოველთვის ემბარგოს გზით ახერხებდა.
,,უნდა მოვეშვათ იმ ლეგენდაზე საუბარს, რომელსაც საერთო არაფერი აქვს რეალობასთან. საუბარია რუსეთთან ემბარგოს მოხსნაზე. რომელთან მიმართებაში საქართველომ შესაბამისი ნაბიჯები უნდა გადადგას. კარგად მოგეხსენებათ,რომ ძირითადი საექსპორტო მონაცემებით რომლითაც რუსეთი ცდილობდა საქართველოს დაბლოკვას არ გამოუვიდა.რუსეთს ყოველთვის სურდა საქართველოსთვის პრობლემების შექმნა და პოლიტიკურ ბერკეტად ემბარგოს თემას იყენებდა. თუმცა არ გამოუვიდა. დღეს კი ჩვენ რუსეთთან გარკვეულ დათმობებზე მივდივართ.ეს თავისთავად საქართველოს ეკონომიკაზეც აისახება და საფრთხეს უქმნის მას"-განაცხადა უმცირესობის დეპუტატმა გოკა გაბაშვილმა.
