რუსეთის სათათბიროს სპიკერის სერგეი ნარიშკინმა ევროსაბჭოს საპარლამენტო ასამბლეის სხდომაზე სიტყვით გამოსვლისას ვრცლად ისაუბრა მსოფლიოს წინაშე მდგარ სხვა და სხვა თემაზე თუმცა, საქართველო და საქართველოს ტერიტორიების ოკუპაცია ნარიშკინს თავის სიტყვაში არ უხსენებია.
მიუხედავად ამისა, მას ამ თემაზე მაინც მოუწია საუბარი მას შემდეგ რაც ევროპელმა დეპუტატებმა მას ამ თემაზე კითხვები დაუსვეს.
„ყველა ქვეყანა რომელიც თქვენ დაასახელეთ სუვერენული სახელმწიფოებია, ამიტომ გადაწყვეტილება მათმა მოსახლეობამ და მთავრობებმა უნდა მიიღონ თუ სად სურთ გაწევრიანება. რუსეთი მათზე არავითარ ზეწოლას არ ახდენს", _ განაცხადა ნარიშკინმა კითხვაზე პასუხის გაცემისას ხომ არ უკავშირდება რუსეთის ზეწოლა სომხეთზე, აზერბაიჯანზე, მოლდოვაზე, ოკუპირებული საქართველოზე ვილნიუსის სამიტს სადაც ამ ქვეყნების ევროკავშირთან დაახლოების საკითხი წყდება.