პრეზიდენტობის სახალხო კანდიდატი, ნესტან კირთაძე კოჯრის ბავშვთა სახლში შესახლებული სოციალურად დაუცველი  20 ოჯახის თხოვნით  დღეს  შეხვედრა  გამართა.

კოჯრის ბავშვთა სახლში, სრულ  სიღატაკეში, ერთჯერადი დახმარების იმედად ოცი ოჯახი ცხოვრობს...„სოციალურად დაუცველი" - მათთვის მხოლოდ სტატუსად იქცა, , რომელიც სახელმწიფოს მხრიდან არანაირ სოციალურ დახმარებას არ გულისხმობს.

ჯანმრთელობის დაცვის და სოციალური დახმარებისა და ლტოლვილთა და განსახლების სამინისტროების მიერ, კოჯრის ბავშვთა სახლში შესახალებულ მრავალშვილიან ოჯახებს,  სადაც პირველი და მეორე ჯგუფის ინვალიდები არიან, ივნის-აგვისტოდან მოუხსნეს სოციალური დახმარება. მინიმალური შემოსავლის გარეშე დარჩენილი დედები შვილებს სიცივისა და შიმშილისგან ვერ იცავენ.

პრეზიდენტობის კანდიდატის დახმარებით, ოჯახებს სურთ რომ ხმა მიაწვდინონ მთავრობის  შესაბამისუწყებებს,მინისტრებს და გაარკვიონ რატომ აღარ ხდება სოციალურად დაუცველთა ქულების დათვლა და დახმარების მიღება, რა ემუქრებათ მათ მას შემდეგ, რაც მომავალი წლის ივნისში კოჯრის ბავშვთა სახლიდან წასვლა მოუწევთ.