საპარლამენტო კომიტეტმა დავითაშვილის კანონპროექტი ჩააგდო. იურიდიულ საკითხთა კომიტეტმა მხარი არ დაუჭირა კობა დავითაშვილის ინიციატივას, „თავისუფლების ქარტიაში" ცვლილების შეტანის თაობაზე.
კანობპროექტის მიხედვით, ავტორიტარული და ტოტალიტარული პარტიის თანამდებობის პირებს მომავალში ქვეყანაში ყველა იმ მაღალი სახელმწიფო თანამდებობების დაკავება ეკრძალებათ, რომელიც არჩევითი არაა. არის, თუ არა პარტია ავტორიტარული, ან ტოტალიტარული, ცვლილებების მიხედვით, ამას პარლამენტი დადგენილებით შეაფასებდა.
იურიდიულმა კომიტეტმა 3 ხმით 2-ის წინააღმდეგ კანონპროექტი არ დაამტკიცა.
„კომიტეტმა მხარი არ დაუჭირა კანონპროექტს, რის შემდეგადაც მათი პოზიცია ფრიად უცნაურად გამოიყურება. როგორც ჩანს ისინი ავტორიტარული და ტოტალიტარული რეჟიმის წინააღმდეგი არ არიან." -აღნიშნა დავითაშვილმა.
