ღონისძიების ფარგლებში, მომხმარებელს საშუალება ექნება "გუდვილის" თბილისის ფილიალებში 8 სახეობის ყურძენი ერთი კვირის განმავლობაში ყველაზე დაბალ ფასად შეიძინოს და ამავდროულად GWS-ის ღვინოები "თამადა" და "ძველი თბილისი" დააგემოვნოს. ღონისძიებაზე სპეციალურად მომხმარებლებისთვის შექმნილი იქნება რთველის გარემო, სადაც ქართული ცეკვებისა და სიმღერების ფონზე დაიწურება ღვინო. გარდა ამისა, მოწვეული ჟურნალისტებისთვის წამახალისებელი კონკურსები გაიმართება.

"რთველი-2013"-ს სოფლის მეურნეობის მინისტრი შალვა ფიფია გახსნის. ღონისძიებას სხვა ოფიციალური პირები დაესწრებიან.

„კომპანია გუდვილი ქართული პროდუქტისა და წარმოების მხარდასაჭერად პერმანენტულ აქციებს აწყობს. რთველის ორგანიზებაც ამ იდეის გაგრძელებაა. 1 კვირის განმავლობაში გუდვილის თბილისის ფილიალებში ყურძნის 8 სახეობა ყველაზე იაფად გაიყიდება. ყურძენი კახეთში, გლეხებისგან შევიძინეთ და დარწმუნებულები ვართ, ამ აქციით გუდვილი თავის წვლილს შეიტანს წლევანდელი რთველის პოპულარიზაციაში"- აცხადებს "გუდვილის" მარკეტინგის სამსახურის ხელმძღვანელი ნატო დარჩიაშვილი.

"რთველი-2013" პარასკევს 13:00 საათზე გაიხსნება და 1 კვირის განმავლობაში გაგრძელდება. ჩვენ ფესტივალის ფარგლებში მომხმარებლებს გავაცნობთ კომპანიის ორ ძირითად ბრენდს: „თამადას" და „ძველ თბილისს", მთელი კვირის განმავლობაში „გუდვილის" სტუმრებს ექნებათ საშუალება დააგემოვნონ ჩვენი ნაწარმი. „GWS"-თვის მნიშვნელვანია აღნიშულ აქციაში მონაწილეობის მიღება, ერთის მხრივ კომპანია წლებია თანამშრომლობს გლეხებთან და მხარს უჭერს მათ საქმიანობას, მეორეს მხრივ ხანგრძლივი პარტნიორობა გვაკავშირებს გუდვილთან.
ასევე, ამ აქციით ვიწყებთ განახლებული ბრენდის „თამადის" გაცნობას მომხმარებლისათვის, რომელიც ერთი კვირაა დაუბრუნდა ადგილობრივ ბაზარს პრემიუმ ხარისხის ღვინის ასორტიმენტით"- განმარტავს „GWS" ის მფლობელი კომპანიის "M Georgia"-ს გენერალური დირექტორი მიხეილ ხუნდაძე.