ამ დროისათვის ნავთობსადენ ბაქო-თბილისი-ჯეიჰანით გადაზიდულია 8,6 მლნ ტონა თურქმენული ნავთობი, აღნიშნულის შესახებ განცხადებას SOCAR-ის ხელმძღვანელი როვნაგ აბდულაევი აკეთებს.
ბაქო-თბილისი-ჯეიჰანით თურქმენული ნავთობის ტრანსპორტირება SOCAR Trading-სა და Dragon oil-ის კონტრაქტის საფუძველზე, 2010 წლის ივნისიდან დაიწყო.
SOCAR Trading -ი ნავთობს თურქმენული მწარმოებლისგან ყიდულობს, და კასპიის ზღვით მის ბაქოში შემოტანას უზრუნველყოფს. აქედან კი ნავთობი ბაქო-თბილისი-ჯეიჰანით მიედინება.
აზერბაიჯანული მხარე ბაქო-თბილისი-ჯეიჰანის უნიკალურობაზეც აკეთებს აქცენტს და მიაჩნია, რომ ამ ნავთობსადენს ენერგოუსაფრთხოების მხრივ ერთ-ერთი მნიშვნელოვანი ადგილი უკავია. როვნაგ აბდულაევის განმარტებით, ბოლო პერიოდში ბაქო-თბილისი-ჯეიჰანით ყაზახური და რუსული კომპანიები ინტერესდებიან
აღსანიშნავია, რომ ბაქო-თბილისი-ჯეიჰანის გამტარუნარიანობა, დღე/ღამეში 1,2 მილიონი ბარელი ნავთობია.
