დღეს, ლიბერთი ბანკის გენერალურმა დირექტორმა, გიორგი არველაძემ გამართა პრესკონფერენცია სადეპოზიტო სერტიფიკატის შესახებ
სადეპოზიტო სერტიფიკატი წარმოადგენს ფინანსურ ინსტრუმენტს, რომლის ფარგლებშიც კლიენტი ანთავსებს დანაზოგს ბანკში გარკვეული ვადით (ამით ყიდულობს სადეპოზიტო სერტიფიკატს), რაზეც მას ერიცხება მაღალი საპროცენტო სარგებელი
ლიბერთი ბანკი ფიზიკურ და იურიდიულ პირებს სთავაზობს ორი ტიპის სადეპოზიტო სერტიფიკატს - საპროცენტო და დისკონტური
სადეპოზიტო სერტიფიკატის შეძენა შესაძლებელია ლარში და აშშ დოლარში. მისი ნომინალური ღირებულებაა მინიმუმ 1,000 ლარი / აშშ დოლარი, ხოლო მაქსიმალური შეუზღუდავია.
• სადეპოზიტო სერტიფიკატით სარგებლობისას შესაძლებელია ანაბრებს შორის ყველაზე მაღალ საპროცენტო სარგებელის მიღება
14%-დან 18-%მდე წლიური საპროცენტო სარგებელი ლარში
6.50%-დან 11.75%-მდე წლიური საპროცენტო სარგებელი აშშ დოლარში
• სადეპოზიტო სერტიფიკატი იძლევა ხანგრძლივი პერიოდით მაღალი საპროცენტო სარგებლის მიღების შესაძლებლობას
სადეპოზიტო სერტიფიკატის შეძენა შესაძლებელია 60 თვემდე ვადით. შესაბამისად უფრო ხანგრძლივი ვადით, ვიდრე სტანდარტული ვადიანი ანაბრის გახსნა. აღნიშნულიდან გამომდინარე, რაც უფრო მეტია სადეპოზიტო სერტიფიკატის ვადა, მით უფრო ხანგრძლივად იღებს კლიენტი მაღალ საპროცენტო სარგებელს
• შესაძლებელია სადეპოზიტო სერტიფიკატის ნებისმიერ დროს გასხვისება სხვა პირზე
სადეპოზიტო სერტიფიკატის მფლობელს ნებისმიერ დროს აქვს შესაძლებლობა გაყიდოს სადეპოზიტო სერტიფიკატი სხვა პირზე და მიუხედავად ამისა მიიღოს მაღალი საპროცენტო სარგებელი
სადეპოზიტო სერტიფიკატის მფლობელს თუ დაჭირდა თანხა, მაგრამ სურს, რომ შეინარჩუნოს სადეპოზიტო სერტიფიკატი, რომელზეც ერიცხება მაღალი საპროცენტო სარგებელი, მას აქვს შესაძლებლობა ისარგებლოს იაფი კრედიტით (ლარში) სადეპოზიტო სერტიფიკატის უზრუნველყოფით. კრედიტის წლიური პროცენტი შეადგენს სადეპოზიტო სერტიფიკატის წლიურ საპროცენტო განაკვეთს +1.00%
სადეპოზიტო სერტიფიკატის როგორც დისკონტური, ასევე საპროცენტო შეძენა შესაძლებელია ლიბერთი ბანკის მიერ მისი გამოსყიდვის უფლებით ან აღნიშნული უფლების გარეშე
ბანკი არ არის ვალდებული გამოისყიდოს სადეპოზიტო სერტიფიკატი კლიენტისგან (მათ შორის, როდესაც კლიენტს სურს მისი გაყიდვა), მაგრამ თუ კლიენტი სარგებლობს ისეთი სადეპოზიტო სერტიფიკატით რომელზეც ვრცელდება ბანკის მიერ მისი (სერტიფიკატის) გამოსყიდვის უფლება - ლიბერთი ბანკს აქვს უფლება გამოისყიდოს აღნიშნული სერტიფიკატი მისი შეძენიდან 24 თვის შემდეგ ნებისმიერ დროს. თუ ბანკი, გამოსყიდვის უფლების გამოიყენებით განახორციელებს სადეპოზიტო სერტიფიკატის გამოსყიდვას, კლიენტს ჩაერიცხება სერტიფიკატის გაყიდვიდან მიღებული თანხა და დამატებითი საპროცენტო სარგებელი, რომელიც გამოითვლება წინასწარ განსაზღვრული საპროცენტო განაკვეთით
სადეპოზიტო სერტიფიკატის მფლობელს საჩუქრად გადაეცემა მულტისავალუტო ლიბერთი ანგარიშის საბაზისო პაკეტი და საკრედიტო ბარათი მეჯიქ ქარდი
შეიძინეთ სადეპოზიტო სერტიფიკატი და მიიღეთ 18%-მდე წლიური საპროცენტო სარგებელი
