2014 წლის ბოლომდე ქვეყნის ტერიტორიაზე არსებული საბაჟო-გამშვები პუნქტები თანამედროვე სტანდარტებით იქნება აღჭურვილი. როგორც შემოსავლების სამსახურის უფროსმა ლაშა ხუციშვილმა საქართველო-რუსეთის საზღვარზე საბაჟო-გამშვები პუნქტ "ყაზბეგის" განაცხადა, 2014 წლისთვის ყველა საბაჟო-გამშვების პუნქტის რეაბილიტაცია დასრულდება. "დღეს დასრულდა საბაჟო-გამშვები პუნქტის "ყაზბეგის" მშენებლობა. ის, დაახლოებით, ერთი წლის განმავლობაში მიმდინარეობდა და საპროექტო სამუშაოების ღირებულებამ 10 მლნ ლარი შეადგინა. ამასთან, "ყაზბეგი" აღჭურვილია თანამედროვე ინვენტარით, რაც საშუალებას მოგვცემს, რომ სრულყოფილად შესრულდეს საბაჟო პროცედურები. რაც შეეხება სხვა საბაჟო-გამშვებ პუნქტებს, მათი მშენებლობა-რეაბილიტაცია მიმდინარებს და 2014 წლის ბოლომდე აღნიშნული საბაჟო პუქნტები თანამედროვე სტანდარტების შესაბამისი იქნება", - განაცხადა ხუციშვილმა. მისივე განმარტებით, საბაჟო-გამშვები პუნქტების რეაბილიტაციაზე თანხები უშუალოდ შემოსავლების სამსახურის ბიუჯეტიდან გამოყოფა.
მასალის გამოყენების პირობები
