2013 წელს ქვეყნის ეკონომიკური ზრდის მაჩვენებელი სავარაუდოდ 4 %-ი იქნება. ფინანსთა მინისტრის განმარტებით, მიმდინარე პერიოდისთვის, საუბარია წლის პირველ ნახევარზე ქვეყნის ეკონომიკა 1,7 %-ითაა გაზრდილი.
„წლის პირველი ნახევრის მონაცემებით, ეკონომიკური ზრდის მაჩვენებელმა 1,7 % შეადგინა. სსფ-სა და მსხვილი საერთაშორისო ორგანიზაციების გათვლებით ზრდა შესაძლოა 4 %-მდე იყოს. ჩვენ ვმუშაობთ ამაზე და დაველოდოთ წლის ბოლოს"- განაცხადა ნოდარ ხადურმა.
შეგახსენებთ, რომ მთავრობის მიერ წლის დასაწყისში გაკეთებული გათვლებით 2013 წელს ეკონომიკა 6 %-ით უნდა გაზრდილიყო. თუმც მიმდინარე მაკრო-ეკონომიკური პროცესების ფონზე სებ-ის პრეზიდენტმა განცხადება გააკეთა და განმარტა, რომ ამ მონაცემების მიღწევა შესაძლოა ვერ მოხერხებულიყო. ანალოგიური პოზიცია დააფიქსირა სსფ-მაც, თუმც მაშინ ფინანსთა მინისტრი მაინც ჯიუტად აცხადებდა, რომ 2013 წელს ქვეყნის ეკონომიკა 6 %-ით გაიზრდებოდა.