დღეს, 4 სექტემბერს, საპარტნიორო ფონდის აღმასრულებელი დირექტორი ირაკლი კოვზანაძე "ლონდონის საფონდო ბირჟის ჯგუფის" (London Stock Exchange Group) წარმომადგენლებს შეხვდება.
საპარტნიორო ფონდის ინფორმაცით, დელეგაციის შემადგენლობაში არიან "ლონდონის საფონდო ბირჟის ჯგუფის" გლობალური განვითარების ბაზრის ინფრასტრუქტურის განყოფილების უფროსი ანტონელა ამადეი, აქტივების ბაზრების განყოფილების უფროსი ალასტერ ვოლმსლი, აქტივების პირველადი ბაზრების განყოფილების უფროსი აიუნა ნეჩაევა და უფროსი მენეჯერი დაგ შეფილდი.
ბრიტანული London Stock Exchange Group საფონდო ბირჟისა და ფინანსური ინფორმაციის კომპანიაა, რომლის სათავო ოფისი ლონდონში მდებარეობს. კომპანია 1801 წელს ლონდონში დაარსდა. "ლონდონის საფონდო ბირჟის ჯგუფი" (London Stock Exchange Group) იტალიის საფონდო ბირჟის (Borsa Italiana) და ლონდონის საფონდო ბირჟის მფლობელია.
