"პრემიერს პოლიტიკური ფუნქციების დათმოა სურს, რათა დაეხმაროს სამოქალაქო საზოგადოებას გაძლიერებაში,"- ამის შესახებ საქართველოს საგარეო საქმეთა მინისტრმა მაია ფანჯიკიძემ პრემიერ-მინისტრ ბიძინა ივანიშვილის მიერ პოლიტიკიდან სამოქალაქო სექტორში წასვლის შესახებ დღეს გაკეთებული განცხადების კომენტირებისას ისაუბრა.
ფანჯიკიძის თქმიღ, "ივანიშვილის ამ განცხადებაში ახალი არაფერია, რადგან დღეს გავრცელებულ ღია წერლში მაგალითად 2 წლის წინ გაკეთებული განცხადება მოჰყავს, სადაც იგი პოლიტიკური მოღვაწეობის დაახლოებით ვადებზე საუბრობს".
"პრემიერის განცხადება არის ძალიან ამომწურავი. ძალიან დაწვრილებით აღწერს იგი იმ სიტუაციას, რომელიც არის და რომელსაც იგი ვარაუდობს, რომ იქნება. იგი იმოწმებს თავის ძველ განცხადებას, სადაც ეს ყველაფერი, რასაც იგი დღეს ამბობს, უკვე იყო გაცხადებული 2 წლის წინ და შესაბამისად, ამაში არაფერი მოულოდნელი არ არის. გარდა ამისა, მან რამდენჯერმე განაცხადა თავისი წასვლის სურვილის შესახებ. მე ვფიქრობ, ყველაფერი ძალიან კარგადაა დასაბუთებული თუ როგორ იმუშავებს მთავრობა მისი წასვლის შემდეგ. იქ არის ლაპარაკი იმაზე, რომ პრემიერს სურს, რომ პოლიტიკური და ადმინისტრაციული ფუნქციები დათმოს იმისათვის, რომ დაეხმაროს სამოქალაქო საზოგადოებას გაძლიერებაში,"- განაცხადა მაია ფანჯიკიძემ.
შეგახსენებთ, რომ დღეს საქართველოს პრემიერ-მინისტმა ბიძინა ივანიშვილმა ქართულ საზოგადოებას ღია წერილით მიმართა, სადაც იგი პოლიტიკიდან მის შესაძლო წასვლაზე და ქვეყნის პოლიტიკური ცხოვრების შემდგომ გაგრძელების სავარაუდო სურათზე საუბრობს.
