კოალიცია „ქართული ოცნების" პრეზიდენტობის კანდიდატს გიორგი მარგველაშვილს სახელმწიფოს გამუდმებით მართვის პრეტენზია არ აქვს. ამის შესახებ საქართველოს პრემიერ-მინისტრმა ბიძინა ივანიშვილმა საჩხერეში პეზიდენტობის კანდიდატის გიორგი მარგველაშვილის წარდგენისას განაცხადა.
მისივე თქმით, საქართველოს საოცარი პრეზიდენტი ეყოლება.
„საქართველოს ეყოლება ძალიან ღირსეული პრეზიდენტი. საოცარი პრეზიდენტი გვეყოლება, საოცარი იმ კუთხით კი არა, რომ სასწაულებს მოახდენს, ეს არის ევროპული ტიპის ადამიანი. ეს არ არის ის, რომელსაც აქვს პრეტენზიები, რომ გამუდმებით სახელმწიფო უნდა მართოს, სანამ იქნება ეფექტური, თქვენ მოგემსახურებათ. ამისთვის მას აქვს ყველანაირი ცონდა და ყველანაირი ნიჭი გააჩნია," - განაცხადა საქართველოს პრემიერ-მინისტრმა.
შეგახსენებთ, რომ საარჩევნო კამპანიის ფარგლებში გიორგი მარგველაშვილი შეხვედრებს იმერეთის რეგიონში მართავს.
