„რითეილ ჯგუფის" კომერციული დირექტორის დიმიტრი კაშირინის განცხადებით, ღვინოების პირდაპირი მიწოდება შესაძლებელს გახდის, რომ ღვინის რეალიზაცია მოხდეს ხელმისაწვდომ ფასებში, ხოლო მომხმარებელი მიღებს ნამდვილად კარგ პროდუქციას.
აღსანიშნავია, რომ "Georgian Valleys"-ის ღვინოები კომპანია „თბილღვინოს" სარეალიზაციო პორთფელის 52 %-ს შეადგენს. ხოლო კომპანიის ვენახების 65 % განლაგებულია კახეთში.
"Georgian Valleys" ანუ „საქართველოს ველები" აერთიანებს 12 დასახელების ღვინოს. „თბილღვინოს" ინფორმაციით, ეს სავაჭრო ნიშანი ასაკით შედარებით ახალგაზრდაა, ვიდრე "თბილღვინო". იგი ძალზედ პოპულარულია საერთაშორისო ბაზრებზე და ატარებს თანამედროვე და მსუბუქ სტილს.
როგორც ცნობილია, კომპანია „რითეილ ჯგუფი" უკრაინაში „ველმარტის" 12 სუპერმარკეტს და „ველიკა კიშენიას" 44 სუპერმარკეტს მართავს. კომპანიას გააჩნია ასევე, „პროსტო მარკეტი", პრემიუმ ფორმატის SELECT-ის 2 მაღაზია, 5 მაღაზია სავაჭრო ცენტრ „ბკ ექსპრესში" და ასევე სუპერმარკეტების ქსელი "Green Hills Market" მოლდოვაში.