ზამბიასა და ზიმბაბვეში მიმდინარე მსოფლიო ტურიზმის ორგანიზაციის გენერალურ ასამბლეაზე საქართველოს ტურიზმის ეროვნული ადმინისტრაციის ხელმძღვანელი გიორგი სიგუა პლენარულ სესიაზე მოხსენებით წარსდგა, სადაც საქართველოს მთავრობის პოლიტიკაზე ტურიზმის შესახებ, განხორციელებულ პროექტებსა და სამომავლო გეგმებზე, ასევე ღია ცის პოლიტიკასა და საავიაციო თემატიკაზე ისაუბრა.
მოხსენების შემდეგ გიორგი სიგუა ორგანიზაციის გენერალურ მდივანს ტალებ რიფაის პირისპირ შეხვდა, სადაც საუბარი რიფაის საქართველოში შესაძლო ვიზიტს, 2017 წელს გენერალური ასამბლეის მასპინძელ ქვეყანდ საქართველოს კანდიდატურის განხილვას, საქართველოს, როგორც ევროპის კომისიის ვიცე-თავმჯდომარის აქტიურ ჩართულობას ორგანიზაციის მუშაობაში და სხვა საკითხებს შეეხო.
ვიზიტის ფარგლებში გიორგი სიგუა აგრეთვე ზამბიის ტურიზმისა და ხელოვნების მინისტრს, სილვია მასებოს, რუსეთის ფედერაციის ტურიზმის ფედერალური სააგენტოს ხელმძღვანელს ალექსანდრე რადკოვს, უკრაინის ტურიზმისა და კურორტების სახელმწიფო სააგენტოს ხელმძღვანელს ელენა შაპოვალოვას, თურქეთის ტურიზმისა და კულტურის მინისტრის მოადგილეს ოზგურ ოზასლანს, აზერბაიჯანის ტურიზმისა და კულტურის მინისტრს აბულფას გარეავს, ჩეხეთის რეგიონალური განვითარებისა და ტურიზმის მინისტრის მოადგილეს მიქალ იანებას, ერაყის ტურიზმის დეპარტამენტის დირექტორს მაჰმუდ ალ-ზუბაიდის, აზერბაიჯანის ტურიზმისა და კულტურისა და ტურიზმის მოადგილეს აბულფას გარეავს და სხვა ქვეყნები სწარმომადგენელ კოლეგებს შეხვდა. გარდა ამისა შეხვედრები გამართა ზამბიის ვიცე პრეზიდენტთან გაი სკოტთან და საგარეო საქმეთა მინისტრთან ვილბურ სიმუსასთანაც. გიორგი სიგუამ შემოთავაზება მიიღო ზამბიის მთავრობისაგან, გახდეს ამ ქვეყნის საპატიო კონსული საქართველოში.
