ოქტომბრის შუა რიცხვებში აშშ-ს დეფოლტი ემუქრება, თუ კი მთავრობა ფედერალური ლიმიტის გაზრდას მხარს არ დაუჭერს. იმისათვის, რომ ქვეყნის ეკონომიკას ზიანი არ მიადგეს, უახლოეს თვეებში თეთრმა სახლმა და კონგრესმა საბიუჯეტო და საგადასახადო პოლიტიკაში კონსენსუს უნდა მიაღწიონ.
აშშ-ს ფინანსთა მინისტრმა ჟეიკოპ ლიუმ კონგრესის მმართველი პალატის პრეზიდენტს წერილობით უკვე მიმართა. მინისტრის გათვლებით, უკვე შემოდგომისთვის სახელმწიფო ფინანსური ვალდებულებების გასასტუმრებლად რესურსი ამოიწურება. მინისტრი საკანონმდებლო ორგანოს მოუწოდებს სახელმწიფო ვალის ზედა ჭერი გაზარდოს. ანალოგიური რეკომენდაცია ჟღერს სავალუტო ფონდის მოხსენებაშიც. წინააღმდეგ შემთხვევაში ვალის გასტურმების მხრივ აშშ-ს დეფოლტი დაემუქრება.
შეგახსენებთ, რომ ჯერ კიდევ 2011 წელს ვალის ზედა ზღვარის გაზრდაზე კონსულტაციები „რესპუბლიკურ პარტიასა" და „დემოკრატებს" შორის მიმდინარეობდა. ქვეყანა მაშინაც დეფოლტის ზღვარზე იყო, თუმც მაშინ პრობლემის გადაჭრა ბოლო წუთებში მოხერხდა. საერთაშორისო სარეიტინგო კომპანია Standard & Poor's- მა მაშინ გადაწყვეტილება მიიღო და ქვეყნის სუვერენული საკრედიტო რეიტინგი „ААА"-დან „АА+"-მდე დასწია, რამაც ობამას ადმინისტრაციის აღშფოთება გამოიწვია.
