ბათუმის ბიუჯეტი 10, 650.7 ათასი ლარით გაიზარდა. ქალაქის საფინანსო დოკუმენტი ცენტრალური ბიუჯეტიდან ტრასფერის ხარჯზე გაიზარდა და მთლიანობაში 112,115.0 ათასი ლარი შეადგინა. ბიუჯეტში ცვლილების შესაბამისად, ცვლილება განხორციელდა მერიის ეკონომიკური პოლიტიკის, კეთილმოწყობის, განათლებისა და ჯანდაცვის მუნიციპალურ პროგრამებში.
როგორც ცნობილია, სექტემბრიდან მუნიციპალურ ბაღებში სწავლა უფასო იქნება, ამისთვის ცენტრალური ბიუჯეტიდან დამატებით 800 ათას ლარი გამოიყო, ასევე ცვლილება შევიდა საბავშვო ბაღების გაერთიანების წესდებაშიც, რომლის თანახმადაც თითოეულ ჯგუფში აღსაზრდელთა რაოდენობა 30-დან 35-მდე გაიზარდა.
