სსიპ შემოსავლების სამსახური ეხმაურება სხვადასხვა მედიასაშუალებებით გავრცელებულ მცდარ ინფორმაციას, კერძოდ - ,,პიერ ბათუმში" სალარო ქვითარი თურქულ ენაზე გაიცემა.
შემოსავლების სამსახური განმარტავს, რომ შპს ,,BATTUN"-ს (ს/ნ 245626693) რამოდენიმე საკონტროლო-სალარო აპარატი კანონმდებლობით დადგენილი წესით რეგისტრირებული აქვს საგადასახადო ორგანოში და მის მიერ მომხმარებლებზე გაცემულ საკონტროლო-სალარო აპარატით ამობეჭდილ ჩეკს ახლავს შესაბამისი ტექნიკური მონაცემები და აუცილებელი რეკვიზიტები. აღნიშნულ ჩეკზე კანონმდებლობის სრული დაცვით მონაცემები ქართულ ენაზეა ასახულია. რაც შეეხება, უცხო ენაზე გაცემულ ამონაწერს, ის არ წარმოადგენს საკონტროლო-სალარო აპარატიდან ამობეჭდილ ჩეკს და არის მხოლოდ გადასახადის გადამხდელის შიდა (არასავალდებულო) დოკუმენტი, რომელსაც გადამხდელი იყენებს საქონლის აღრიცხვისთვის.
აღსანიშნავია, რომ გადამხდელი კანონმდებლობით არა არის შეზღუდული თუ რა ფორმითა და რა ენაზე მოახდენს მსგავსი დასახელების ამონაწერის გაცემას, ვინაიდან ზემოაღნიშნული ამონაწერი არ წარმოადგენს ნაღდი ანგარისშწორების დამადასტურებელ ოფიციალურ დოკუმენტს. (ის არის მხოლოდ გადასახადის გადამხდელის შიდა არასავალდებულო დოკუმენტი)
შემოსავლების სამსახური არ დაუშვებს საგადასახადო ადმინისტრირების შესუსტებას და მკაცრად აღიკვეთება გადასახადის გადამხდელის მიმართ განხორციელებული, ნებისმიერი მართლსაწინააღმდეგო ღონისძიება.
