აჭარის მთავრობის თავმჯდომარემ არჩილ ხაბაძემ და ჯანდაცვის მინისტრმა ნუგზარ სურმანიძემ, ხელვაჩაურის რაიონის სოფელ ცხემლარაში თემის სამედიცინო პუნქტი გახსნეს. გახსნის ცერემონიალს აჭარის ა/რ უმაღლესი საბჭოს ჯანმრთელობის დაცვის და სოციალურ საკითხთა კომისიის თავმჯდომარე ჯემალ ფუტკარაძე და თურქეთის რესპუბლიკის გენერალური კონსული აჭარაში ენგინ არიქანი დაესწრნენ.
სოფელ ცხემლარაში თემის სამედიცინო პუნქტის მშენებლობა ორი თვის წინ დაიწყო. ადგილობრივებმა აჭარის ჯანდაცვის სამინისტროს ექიმამდელი სამედიცინო დაწესებულების მშენებლობის მოთხოვნით გასული წლის ბოლოს მომართეს. სამინისტრომ პროექტის განხორციელება „თურქეთის განვითარებისა და თანამშრომლობის სააგენტოს" ფინანსური მხარდაჭერით დაიწყო.
ამავე სააგენტოს დახმარებით სამედიცინო პუნქტი სრულად აღიჭურვა საოფისე და სამედიცინო ინვენტარით.
