საქართველოს პრეზიდენტმა დღეს ბათუმში ახლადგახსნილი საბაგირო გზით იმგზავრა, რომლის მშენებლობა ავსტრიულმა კომპანიამ „დობერმაიერმა" 2012 წლის 10 აპრილს დაიწყო. მიხეილ სააკაშვილი იქვე მყოფ ტურისტებსა და ადგილობრივი სასტუმროების მეპატრონეებს გაესაუბრა და მათ ტურიზმის განვითარების პერსპექტივაზე ისაუბრა. მან ყურადღება პატარა, მათ შორის ოჯახური ტიპის სასტუმროების გახსნის აუცილებლობაზე გაამახვილა. იგი იმ ინფრასტრუქტურულ პროექტებსაც შეეხო, რომელთა განხორციელება აჭარის მთავრობამ შეაჩერა. მისი თქმით, ამ პროექტების გაგრძელება ტურიზმის განვითარებას კიდევ უფრო შეუწყობს ხელს. მიხეილ სააკაშვილმა ხაზგასმით გამოყო პროგრამა „ბათუმი ბარაკების გარეშე", რომლის გაგრძელებაც პრეზიდენტს აუცილებლად მიაჩნია.
