„ვისოლ ჯგუფი" იმერეთის რეგიონში ბიზნესის გაფართოებას განაგრძობს და ქუთაისში „ვისოლ პეტროლიუმ ჯორჯიას" მომსახურების პირველ ცენტრს და „ვიანორის" ავტო-ტექმომსახურების ობიექტს ხსნის. ჟიული შარტავას ქუჩასა და ლადო ასათიანის #98-ში მდებარე „ვისოლ პეტროლიუმ ჯორჯიას" ავტოგასამართ სადგურებზე გახსნილ ახალ მომსახურების ცენტრებში ადგილობრივი მომხმარებლები ექსკლუზიურ პროდუქტებსა და ევროპული სტანდარტების მომსახურებას უკვე მათთვის მოსახერხებელ ადგილზე მიიღებენ.
„„ვისოლ ჯგუფის" შვილობილი კომპანიების ქსელის განვითარება იმერეთის რეგიონში აქტიურ ფაზაში შედის. მოხარული ვართ, რომ დღეიდან ქუთაისის მოსახლეობას საშუალება ექნება „ვიანორის" ესქკლუზიური შეთავაზებებითა და ევროპული სტანდარტის მომსახურებით ისარგებლონ. "ვიანორი" უმსხვილესი, მულტინაციონალური კომპანიაა და ჩვენ მოხარული ვართ, რომ საქართველოში ამ ბრენდის განვითარება ექსკლუზიურად `ვისოლ ჯგუფს" ერგო წილად. „ვისოლ პეტროლიუმ ჯორჯიას" მომსახურების ცენტრი კი ადგილობრივ კორპორაციულ მომხმარებელს საშუალებას მისცემს სრულყოფილი მომსახურება მათთვის მოსახერხებელ ადგილას მიიღონ. ახლადგახსნილ ობიექტებზე „ვისოლ ჯგუფმა" დღეს დამატებით 10-მდე ადამიანი დაასაქმა. ეს ჩვენი ბიზნეს ჯგუფის ყველაზე მნიშვნელოვანი პრიორიტეტია", - აცხადებს "ვისოლ პეტროლიუმ ჯორჯიას" გენერალური დურექტორი ვასილ ხორავა.
,,ვიანორ ჯორჯია'' ვისოლ ჯგუფის შვილობილი ბრენდია, რომელიც 2011 წლიდან „ვისოლ ავტო ექსპრესის ბრენდით" დამკვიდრდა საქართველოს ბაზარზე. თუმცა 2012 წლიდან ავტომომსახურების მსოფლიო ბრენდის „ვიანორის" სახელით განაგრძო ქსელის განვითარება. დღესდღეობით კომპანიის ავტომომსახურების 18 ცენტრი უმაღლესი ხარისხის „ტოტალის", „ფინასა" და „შევრონის" საავტომობილო ზეთების, „ნოკიანისა" და „იმპერიალის" ბრენდის საბურავების, „დეტა" და ,,ტუდორის'' აკუმულატორების, „ფრამის" საავტომობილო ფილტრების, ,,ვალეოს'' საავტომობილო პროდუქტების და სხვა საპოხი მასალების გარდა მომხმარებელს ვულკანიზაციისა და ბალანსირების სრულ მომსახურებასაც სთავაზობს.
