ბათუმში რამდენიმე ქუჩის სარეკონსტრუქციო სამუშაოები მიმდინარეობს. ბათუმის მერიაში განმარტავენ, რომ ამ დროისათვის ბარათაშვილის, ფიროსმანის, ხახუტაიშვილის, ინასარიძის და თევდორე მღვდლის ქუჩების სარეკონსტრუქციო სამუშაოები წარმოებს. რეაბილიტაციის ფარგლებში ტროტუარებზე იგება ფილები, ეწყობა ბორდიურები და მიმდინარეობს გზის სავალი ნაწილის ასფალტირება.
ქალაქში მიმდინარე ფართომასშტაბიანი სარეკონსტრუქციო სამუშაოები, დღეს, აჭარის მთავრობის თავმჯდომარემ არჩილ ხაბაძემ ბათუმის მერთან ჯემალ ანანიძესთან და საკრებულოს თავმჯდომარესთან ირაკლი ჩავლეიშვილთან ერთად დაათვალიერა.
რეგიონისა და ქალაქის ხელმძღვანელებმა ნინოშვილის ქუჩაზე მთავარი სანიაღვრე ქოლექტორის მშენებლობის, ჟილინის არხის კაპიტალური რეკონსტრუქციის, სანაპირო ზოლზე ბილიკის მოწყობისა და გონიოს საბავშვო ბაღის შენობის სარეკონსტრუქციო სამუშაოებიც მოინახულეს.