ქვეყნის მასშტაბით ტურისტებს 1039 განთავსების საშუალება ემსახურება. ტურიზმის ადმინისტრაციაში განმარტავენ, რომ ივლისის მდგომარეობით საქართველოში არსებული განთავსების საშუალებების ჯამი 1039 ერთეულს შეადგენს, ხოლო საწოლი ადგილების რაოდენობაა კი - 36047. ადმინისტრაციაში აცხადებენ, რომ საწოლი ადგილების რაოდენობის მიხედვით აჭარა ლიდერია და მასზე მთელი რესურსის 29% მოდის. თავის მხრივ კი განთავსების საშუალებებში სასტუმროს ტიპის დაწესებულებები სჭარბობენ, მათი წილი კი 64% შეადგენს
აჭარის შემდეგ ყველაზე მეტი რაოდენობით სასტუმრო თუ სასტუმროს ტიპის სახლები სამცხე-ჯავახეთშია - 153 ერთეული. დიდი რაოდენობით განთავსების საშუალებებია ასევე კახეთში (144 ერთეული) და ასევე თბილისში, სადაც 125 განთავსების საშუალებაა. ყველაზე მცირე რაოდენობით განთავსების საშუალებები შიდა ქართლშია, სადაც მთლიანობაში 11 ერთეული განთავსების საშუალებაა.