კომპანია TAM GEO LLC-ის წარმომადგენლის დანიელ დოინიცინის განმარტებით, კომპლექსის სიმაღლე 170 მეტრი იქნება და ის 2 კოშკისგან შედგება, საიდანაც ერთი საცხოვრებელი/საოფისე/სავაჭრო ცენტრი იქნება, ხოლო მეორე კომპლექსში - 4 ვარსკლავიანი, მსოფლიო ბრენდის ფეშენებელური, სასტუმრო განთავსდება. თუმცა კონკრეტულად, რომელი ბრენდის სასტუმრო განთავსდება Babillon Tower-ში ინვესტორ კომპანიაში ამ ეტაპისთვის ვერ აკონკრეტებენ, რადგანაც ისინი რამდენიმე სასტუმრო ბრენდთან მოლაპარაკებას აწარმოებენ და საბოლოო გადაწყვეტილება მიღებული არ არის. სასტუმროში ნომრების ფასი დაახლოებით 100 დოლარიდან 120 დოლარამდე იქნება. პროექტის თანახმად, სასტუმრო 14 სართულიანი იქნება, რომელიც თავის მხრივ 168 ნომერს მოიცავს.

Babillon Tower-ი 47 სართულიანი იქნება და შენობაში განთავსდება ასევე: მიწისქვეშა ავტოსადგომი, 2 სართულიანი სავაჭრო ცენტრი, ოფისები (7 სართული), ხოლო დარჩენილ ფარტში საცხოვრებელი კომპლექსები განთავსდება და მომხარებლებს ექნება სრული ის მომსახურება ექნებათ, რაც სასტუმროში. აღსანიშნავია, რომ საკუთარ კლიენტებს ინვესტორი ბინებს სრული რემონტით ჩაბარებს.
„იმის და მიხედვით თუ როგორია მომხარებლის მოთხოვნები, ჩვენ ვთავაზობთ 3 ტიპის იტალიურ დიზაინს (თანამედროვე, კომფორტული და ფეშენებელური), კომპლექსში ასევე იქნება ბავშვების გასართობი მოედანი, სპა ცენტრი, ფიტნეს ცენტრი, საუნა, ღია აუზი, დახურული და ღია რესტორნები და კაფეები, ვალეტ სერვისი, ქიმწმენდა, სილამაზის სალონი და სხვა"- აცხადებს დანიელ დოინიცინი.
მისივე ინფორმაციით, სავაჭრო ცენტრი და სასტუმრო 2014 წლის ბოლომდე გაიხსნება. რაც შეეხება მთლიანად პროექტის დასრულებას, ის 2015 წლისთვისაა დაგეგმილი.
Babillon Tower-ის არქიტექტურის ავტორი კომპანია Tago Architects-ია.