საქარველოს გაერთიანებული სამელიორაციო სისტემების კომპანია კასპის მუნიცილალიტეტში, თეძამის ხეობაში, მდ.თეძამზე წყალსაცავის მოწყობას გეგმავს.
ამასთან დაკავშირებით, სოფლის მეურნეობის მინისტრის მოადგილემ, დავით შერვაშიძემ და საქართველოს გაერთიანებული სამელიორაციო სისტემების კომპანიის დირექტორის მოადგილემ, დიმიტრი კავთუაშვილმა ის ტერიტორია დაათვალიერეს , სადაც თეძამის წყალსაცავი მოეწყობა.
აღნიშნული წყალსაცავის მოსაწყობად უკვე დაწყებულია წინა საპროექტო სამუშაოები. წყალსაცავი იქნება 12 მლნ მ3 მოცულობის და სხვადასხვა სარწყავ სისტემებს: სიონის მაგისტრალურ არხს; ჩოჩეთის არხს; ნიაბის ზედა არხს; ყარაღაჯის არხს; წაბლა არხს და მეტეხის არხს წყალუზრუნველყოფს. ეს არხები კასპის მუნიციპალიტეტის 2600 ჰექტარი სასოფლო-სამეურნეო მიწის ფართობს წყალუზრუნველყოფს.
წყალსაცავის მოწყობა გაწერილია კომპანიის 2014-2017 წლის გეგმაში. მშენებლობა დაიწყება მომავალ წელს და 2 წელს გასტანს.
მსგავსი წყალსაცავების მოწყობა კომპანიას დაგეგმილი აქვს საქართველოს სხვადასხვა რეგიონებში.