„აზერბაიჯანთან ურთიერთობების გაღრმავება საქართველოსთვის პრიორიტეტია"- აღნიშნულის შესახებ განცხადება აზერბაიჯანში საქართველოს საგანგებო და სრულუფლებიანმა ელჩმა თეიმურაზ შარაშენიძემ გააკეთა.
ელჩის განმარტებით, საქართველო აზერბაიჯანთან ურთიერთობას დიდი მნიშვნელობას ანიჭებს. მისივე თქმით, ტრანსატლანტიკური გაზსადენის პროექტის განხორციელება, რომელიც კასპიიდან ევროპაში გაზის ტრანსპორტირებას ითვალისწინებს საქართველოს ეკონომიკაში დამატებით 2 მლრდ დოლარის ინვესტირების წინაპირობაა. რითაც, ელჩის განმარტებით, ახალი სამუშაო ადგილები გაჩნდება.
„ბაქო-თბილისი-ყარსის პროექტი ეკონომიკური ურთიერთობების გაღრმავებაში მნიშვნელოვან როლს ასრულებს. იმავდროულად, აზერბაიჯანელმა მეწარმეებმა საქართველოს ეკონომიკაში, 210 მლნ დოლარის ინვესტიცია უკვე განახორციელეს, რითაც ათასობით ახალი სამუშაო ადგილები შეიქმნა.
