ქედის მუნიციპალიტეტის სოფელ სირაბიძეებში თემის სამედიცინო პუნქტი გაიხსნა. ამიერიდან ადგილობრივები ექიმამდელი სამედიცინო მომსახურებით შეუზღუდავად ისარგებლებენ. დაწესებულება ქედის მუნიციპალიტეტის ბიუჯეტიდან გამოყოფილი თანხით აღიჭურვა. მისი დაფინანსება აჭარის ჯანდაცვის სამინისტროს მიზნობრივი პროგრამის "მაღალმთიან მუნიციპალიტეტებში სამედიცინო პერსონალის მატერიალური წახალისები კომპონენტის" ფარგლებში განხორციელდება.
თემის სამედიცინო პუნქტის გახსნას აჭარის ა/რ ჯანმრთელობისა და სოციალური დაცვის მინისტრის მოადგილე ლევან გორგილაძე და ქედის მუნიციპალიტეტის გამგებელი ვაჟა ბოლქვაძე დაესწრნენ.
