ამერიკის შეერთებულ შტატებში საქართველოს საგანგებო და სრულუფლებიანმა ელჩმა , არჩილ გეგეშიძემ ვაშინგტონში ნატოს საპარლამენტო ასაბლეის თავდაცვისა და უსაფრთხოების კომიტეტის მიერ ორგანიზებულ ღონისძიებაში მიიღო მონაწილეობა. შეხვედრა კონგრესმენ მაიკლ ტერნერის ინიციატივით გაიმართა და მასში საქართველოსთან ერთად მონაწილეობა მიიღეს მონტენეგროსა და მაკედონიის ელჩებმა და ბოსნია-ჰერცოგოვინის ელჩობის მოვალეობის შემსრულებელმა.
არჩილ გეგეშიძემ ღონისძიების მონაწილეებს ნატო-ს გაფართოების შესაძლებლობებზე, საქართველოს ალიანსში გაწევრიანების პერსპექტივებზე, ქვეყნის საგარეო პოლიტიკურ კურსსა და საქართველოში მიმდინარე პროცესებზე მიაწოდა ინფორმაცია.
როგორც, ნატო-ს საპარლამეტო ასაბლეის თავდაცვისა და უსაფრთხოების კომიტეტის ხელმძღვანელმა ჰივერ ლ. მესერამ აღნიშნა, კომიტეტის წევრებისთვის სასარგებლო იყო ის ინფორმაცია, რომელიც მათ შეხვედრაზე ელჩმა გააცნო ნატოში ინტეგრაციის გზაზე საქართველოს პერსპექტივასთან დაკავშირებით.
" საპარლამენტო ასამბლეის წევრებისთვის ძალზედ სასარგებლო იყო ის ინფორმაცია, რომელიც მათ მიიღეს ისეთი მაღალი დონის დიპლომატებისგან, როგორიც თქვენ ბრძანებით. მათ უკეთ გაიგეს საქართველოს პერსპექტივა ნატოში ინტეგრაციის პროცესში. თქვენს მიერ წარდგენილი რეკომენდაციები და შენიშვნები ძალზედ ინფორმატიული და სასარგებლოა, რათა სწორი წარმოდგენა ვიქონიოთ, თუ რა ეტაპზეა საქართველო ნატოში გაწევრიანებისთვის გათვალისწინებული კრიტერიუმების შესრულებაში" - აღნიშნავს ჰავიერ ლ. მესერა.
მისივე განცხადებით ელჩის მიერ მიწოდებული ინფორმაცია სასარგებლო იქნება ნატოს საპარლამენტო ასაბლეის კომიტეტის წევრებისათვის, მათ ქვეყნების საკანონმდებლო ორგანოში მუშაობის დროსაც და ეს ინფორმაცია ასევე მნიშვნელოვან როლს შეასრულებს ნატოს საპარლამენტო ასაბლეის თავდაცვისა და უსაფრთხოების კომიტეტის საქმიანობაში.
ვაშინგტონში საქართველოს, მონტენეგროს, მაკედონიისა და ბოსნის- ჰერცოგოვინის ელჩებთან შეხვედრა, ნატოს საპარლამენტო ასაბლეის თავდაცვისა და უსაფრთხოების კომიტეტის გასვლითი სხდომის ფარგლებში გაიმართა.
