ჟურნალისტი ეკა მიშველაძე საზოგადოებრივი მაუწყებლის საინფორმაციო გადაცემა "მოამბეს" აღარ წაიყვანს. ამის შესახებ ეკა მიშველაძემ გადაცემის ბოლოს განაცხადა.
"ასეთი იყო დღის მთავარი სიახლეები, „მოამბე" დასრულებულია; დასრულებულია ჩვენი 5-წლიანი ურთიერთობაც. მე გემშვიდობებით. ახალი სეზონიდან "მოამბეს" 20:00 საათზე უკვე ახალი წამყვანი წარმოგიდგენთ. დიდი მადლობა ყველა ჩემს თანამშრომელს და თქვენ, იმიტომ რომ ჩემთან იყავით. ჩვენ ერთმანეთს ისევ შევხვდებით, ისევ პირველ არხზე, ოღონდ უკვე სხვა ფორმატით. დიდი მადლობა", - განაცხადა მიშველაძემ.
