ახალი ხელისუფლების მოსვლის შემდეგ მთავარ ცვლილებად ეკონომიკისა და მდგრადი განვითარების მინისტრი ბიზნესის თავისუფლებას ასახელებს, რასაც გიორგი კვირიკაშვილის განმარტებით ,საშუალო და გრძელვადიანი შედეგი მოყვება. კვირიკაშვილი განმარტავს, რომ გატარებული ზომების მიხედვით სასურველი შედეგი ამ პერიოდში მაინც ვერ მიიღწა, რასაც მინისტრი შიდა და გარე ფაქტორებს უკავშირებს.
„იყო ბევრი ბარიერი. ძირითადად ეს იყო ქვეყნის გარეთ წარმოებული კამპანია, რომელმაც ძალიან ბევრი ინვესტორი შეაფერხა, მათ შეუქმნა უარყოფითი მოლოდინები. სამწუხაროდ ამ კამპანიის დაძლევა მარტივი არ არის. ჩვენი ძალიან ბევრი ვიზიტი მოგვიწია უცხოეთში იმისათცის, რომ გადაგველახა ეს ბარიერები. თუმცა ჩვენს შიგნითაც იყო მიზეზები, როგორიცაა ნაკლები კოორდინაცია, რაც დღეს შეიძლება ითქვას, რომ მთლიანად აღმოფხვრილია"- განაცხადა გიორგი კვირიკაშვილი გადაცემა „პოლიტმეტრში".
მინისტრი ვარაუდობს, რომ მესამე და მეოთხე კვარტალში ეკონომიკის განვითარების დინამიკა კარგისკენ შეიცვლება.
