კომპანის ხელმძღვანელებმა ქართველ, სომეხ აზერბაიჯანელ და ტაჯიკ ჟურნალისტებს ახალი Toyota Corolla - ს ტექნიკური მახასიათებლები და მარკეტინგული გემები გააცნეს.

კომპანიის ინფორმაციით, „ტოიოტა" კოროლას პირველი თაობა 47 წლის წინ შეიქმნა და მას შემდეგ ყველაზე გაყიდვადი ავტომობილია - დღევანდელი მონაცემებით, 40 მილიონი Toyota Corolla-ა უკვე გაყიდულია. ახალი კოროლა - მეთერთმეტე თაობა, მსოფლიოს 150-ზე მეტ ქვეყანაში გაიყიდება, მათ შორის ერთ-ერთი საქართველოშიც.
კომპანიის მენეჯმენტი აცხადებს, რომ ამ მოდელში გათვალისწინებულია ყველა მყიდველის სურვილი და ყველა ის მახასიათებელი, რომელიც ლეგენდალური ავტომობილის შესაქმნელადაა საჭირო - დიზაინი, კომფორტი, ეკონომიურობა, უსაფრთხოება და გაუმჯობესებული ფუნქციები.
„თითოეული თაობისთვის კოროლა ითვისებდა ახალ ტექნოლოგიებს და ინარჩუნებდა ლიდერის პოზიციას საავტომობილო ინდუსტრიაში არა მხოლოდ იაპონიაში, არამედ მთელ მსოფლიოში"- განმარტავენ კომპანიაში.
ახალი Toyota Corolla - „ლეგენდარული სედანის" გაყიდვა 1-ლი აგვისტოდან დაიწყება და მისი სავარაუდო ფასი 16-დან 20 ათას აშშ დოლარამდე იქნება.
კომპანია საქართველოში წელს 300 ავტომობილის გაყიდვას გეგმავს. 2014 წელს კი 1500 ახალი ავტომობილის რეალიზაციას.

ახალი Toyota Corolla - „ლეგენდარული სედანის" პრეზენტაცის ფარგლებში, 26 ივლისს ჟურნალისტებისთვის რუსთავში ტესტ დრაივი გაიმართება, სადაც მათ შეეძლებათ თავად გახდნენ ლეგენდარული სედანის მძღოლები და პირადად გაეცნონ მის მახასიათებლებს.