,,დღევანდელ პოლიტიკაში გაურკვევლობა იმაზე მეტი რჩება ვიდრე მე წარმომედგინა", _განაცხადა ჟურნალისტებთან პრემიერ-მინისტრმა ბიძინა ივანიშვილმა ეკონომიკური პროფილის ექსპერტებთან შეხვედრის შემდგე.
პრემიერის განმარტებით, მომავალი მისი ინტერესის საგანი სწორედ ეკონომიკური პროფილის ექსპერტები იქნებიან.
,,
მომავალში ჩემი ინტერესის საგანი იქნებიან სწორედ ეკონომიკის ექსპერტები, რადგან პოლიტიკაში რა გამოუცდელობაც მქონდა ასე თუ ისე გავიგე და ჩემთვის უფრო საინტერესო ეკონომიკური ნაწილია, თუმცა არ იფიქროთ, რომ პოლიტიკაზე უარს ვამბობ. პოლიტიკური სტაბილურობის გარეშე ეკონომიკა ვერ იქნება. ის მოლოდინის პროცესი, რომელიც ჩვენს ქვეყანაში იგრძნობა, მხედველობაში მაქვს ინვესტიციებისა და ბიზნესმენების მოლოდინის პროცესი. მათ უნდა მიიღონ პოლიტიკურად გარკვეული და განსაზღვრული გარემო და იცოდნენ, რომ საქართველო საშიში აღარ არის და მე დამარწმუნეს და გამიღრმავეს ჩემი დამოკიდებულება ამ საკითხისადმი და დამარწმუნეს, რომ მოლოდინს ძალიან დიდი მნიშვნელობა აქვს, მხედველობაში მაქვს პოლიტიკური სტაბილურობის მოლოდინი. გაურკვევლობა იმაზე მეტი რჩება საქართველოს დღევანდელ პოლიტიკაში ვიდრე მე წარმომადგინა და ამ მხრივ მე თვალი ამიხილეს, თუმცა გასაღები დამატებითი ვერ გამოვნახეთ. ჩვენ უნდა დაველოდოთ ოქტომბრის არჩევნებს და უნდა ვისურვოთ, რომ გარემო პოლიტიკურად უფრო სტაბილური, უფრო მეტად დაბალანსებული იყოს", _განაცხადა ივანიშვილმა.
