აჭარის ფინანსთა და ეკონომიკის სამინისტრომ, რეგიონში ციტრუსის შემფუთავი და დამხარისხებელი საწარმოების მოსაწყობად, კონკურსი გამოაცხადა.
როგორც სამინისტროში განმარტავენ, ქობულეთისა და ხელვაჩაურში ციტრუსის შემფუთავი/დამხარისხებელი ან/და სასოფლო-სამეურნეო პროდუქციის ტარის წარმოების საწარმოების მშენებლობით დაინტერესებულმა პირებმა 2013 წლის 1 ნოემბრამდე, არანაკლებ 3 ტ./სთ. წარმადობის საწარმო უნდა აამოქმედონ.
იმავდროულად, საწარმოს ამოქმედების პერიოდისათვის, საწარმოს უნდა გააჩნდეს არანაკლებ 2 ტ. ტვირთამწეობის ავტომტვირთავი, ელქტროსასწორი და პნევმატური ურიკა უნდა გააჩნდეს.
პირობების მიხედვით, ინვესტორმა საწარმოს პროფილი 20 წლის განმავლობაში უნდა შეუნარჩუნოს. საუკეთესო წინადადების მქონე პრეტენდენტებს ობიექტი საკუთრებაში, სიმბოლურ ფასად გადაეცემათ.
სამინისტროს ინფორმაციით, დამატებით პრიორიტეტი მიენიჭება იმ წინადადებებს/განცხადებებს, რომლებიც სასოფლო-სამეურნეო პროდუქციის ტარის წარმოების ვალდებულებას აიღებენ. ასევე დამატებით განიხილება სამაცივრე მეურნეობის შექმნის მიზნით წარმოდგენილი წინადადება/განცხადება;
საკუთრებაში მიმღები დაინტერესებული პირი აუცილებლად უნდა იყოს მეწარმე სუბიქტი, ასევე შესაძლებელია იყოს არასამეწარმეო იურიდიული პირი;
პრეტენდენტმა უნდა წარმოადგინოს სავარაუდო ინვესტიციის შესახებ ინფორმაცია (გეგმა-გრაფიკი) და დასაქმებულთა რაოდენობა მუდმივად ან/და სეზონურად;
ობიექტები ხელვაჩაურის მუნიციპალიტეტის შემდეგ სოფლებში მდებარეობს: ახალსოფელი, თხილნარი, მახო, ერგე, ორთაბათუმი, ახალშენი და განთიადი;
ქობულეთის მუნიციპალიტეტის შემდეგ სოფლებში: დაბა ჩაქვი, აჭარის ქ. N8 (მე-7 რაიონი); საჩინო; ქვედა აჭყვა; ბობოყვათი; კლდიაშვილის ქუჩა (კვირიკე ბობოყვათის გზის გასწვრივ); გვარა; მუხაესტატე; ალამბარი; ზენითი; ქაქუთი.
დაინტერესებული პირების განცხადების წარდგენა აჭარის ფინანსთა და ეკონომიკის სამინისტროში 2 აგვისტოს ჩათვლით შეუძლიათ.
