საბურთალოზე, ყაზბეგის ქუჩა №1-ში 7 სართულიანი კორპუსი უკვე ათეული წლებია ავარიულ მდგომარეობაშია. კორპუსის ამხანაგობამ დახმარების თხოვნით თბილისის მერიას მიმართა და საბინაო ამხანაგობების მხარდაჭერის პროგრამის ფარგლებში, კორპუსის გამაგრება ერთი კვირის წინ დაიწყო. სამუშაოების პირველი ეტაპი საძირკვლის ფუნდამენტურ გამაგრებას მოიცავს და ამისთვის საბურთალოს რაიონის ბიუჯეტიდან 489 156 ლარი გამოყო. პროექტი თანადაფინანსებით ხორციელდება და ადგილობრივი მოსახლეობა სამუშაოების განსახორციელებლად საჭირო თანხის მხოლოდ 10%-ს იხდის.
თბილისის მერი გიგი უგულავა დღეს ყაზბეგის ქუჩაზე მიმდინარე სამუშაოებს რაიონის გამგებელთან ერთად გაეცნო და ადგილობრივ მოსახლეობას შეხვდა.
მასალის გამოყენების პირობები
